.png)
Yield-i mesatar i bonove të thesarit në muajin qershor, me maturim 1-vjeçar rezultoi në rënie me 0.12% krahasuar me ankandin e muajit maj duke u rënditur edhe në nivelin më të ulët përgjatë 2 viteve të fundit.
Bonot 12-mujore u shitën me yield mesatar 1.52% nën vlerën totale të 8 miliardë lekëve, nga të cilat 3.75 miliardë i blen vetë Banka e Shqipërisë. Në ankandin e muajit maj bonot me maturim 12 muaj u shitën me yield mesatar 1.64%.
Kërkesa për bono ishte më e madhe gjatë ankandit të qershorit, krahasuar me atë të muajit të kaluar.
Shkak për rënien e yield-eve mund të jetë likuiditeti i lartë i tregut financiar në vend siç është cilësuar dhe nga vetë BSH-ja, stimuluar edhe nga politikat monetare të cilat do të vazhdojnë të mbeten në fuqi deri në përfundim të tremujorit të dytë. Interesi i lartë i subjekteve për të blerë titujt shtetërorë po e mban yield-in e ulët, që përcakton edhe çmimin e huamarrjes së brendshme të qeverisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje