.png)
Sipas Ministrisë së Financave të ardhurat totale gjatë 4mujorit të parë të vitit 2021 rezultojnë më të mëdha nga se ishin planifikuar, duke arritur në vlerën e 152 miliardë lekëve, 19 miliardë më shumë se e njëjta periudhë e një viti më parë.
Shpenzimet e përgjithshme rezultuan më pak nga se ishin menduar, duke arritur në vlerën e 166.9 miliardë lekë, 18.1 miliardë më pak se e njëjta periudhë e vitit të shkuar.
Niveli i deficitit në muajin e katërt të vitit 2021 rezultoi në rreth 14.6 miliardë lekë, ose rreth 927 milionë lekë më pak se e njëjta periudhë e një viti më parë.
Të ardhurat doganore (të ardhurat nga TVSH në import, akciza, taksa doganore dhe renta minerare) u realizuan në vlerën 52.8 miliardë lekë, 9 miliardë lekë ose 20.7% më shumë se 4 mujori 2020.
Nga këto, 35.9 miliardë lekë erdhën nga TVSH duke u rritur me 25% nga 4mujori i parë i 2020-s. 14 miliardë lekë nga akciza, 11.4% më shumë se e njëjta periudhë e vitit të shkuar. 800 milionë lekë nga renta minerare. 2 miliardë lekë nga taksa doganore, 19.5% më shumë se e njëjta periudhë e vitit 2020.
Të ardhurat tatimore (të ardhurat nga TVSH neto në vend, tatimi mbi fitimin, tatimi mbi të ardhurat personale, taksat nacionale dhe kontributet e mbledhura nga DPT), për 4mujorin e parë 2021 u realizuan në masën 79.9 miliardë lekë, 9.2% më shumë se 4mujori i parë i vitit të kaluar.
Nga këto të ardhurat nga TVSH e arkëtuar (bruto), u realizua në masën 17.6 miliardë lekë, 16% më shumë se një vit më parë. Të ardhurat e mbledhura nga tatimi mbi fitimin u realizuan në masën 13 miliardë lekë, 19.7% më shumë se 4mujori i parë i vitit të shkuar.
Tatimi mbi të ardhurat personale është arkëtuar në vlerën 12.9 miliardë lekë, 16.8% më shumë se periudha janar-prill 2020. Të ardhurat e mbledhura nga kontributet për sigurimet shoqërore dhe shëndetësore (të administruara nga DPT), u realizuan në masën 35.1 miliardë lekë, 11.9% më shumë se 4 mujori 2020.
Shpenzimet korente dhe ato kapitale, për periudhën 4 mujore, kanë shënuar një realizim respektivisht në masën 100.2% dhe 78.7% të planit të periudhës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje