.png)
Në raportin e politikës monetare nga Banka e Shqipqërisë u njoftua se normat e ulëta të interesit do të jenë akoma funksionale ndonëse ekonomia po jep shenja të rimëkëmbjes ekonomike.
Këshilli Mbikëqyrës i Bankës vendosi vazhdimin dhe për tre muaj të tjerë të aksesit të pakufizuar të bankave tregtare në likuiditet.
BSH-ja vlerëson pozitivisht projeksionet për të ardhmen. Vijimi i procesit të vaksinimit, stimuli monetar dhe fiskal, si dhe rikthimi i besimit në nivelet historike, do t’i hapin rrugë zgjerimit progresiv të aktivitetit ekonomik gjatë viteve 2021 dhe 2022.
“Punësimi dhe pagat pritet të vijnë në rritje, duke ndihmuar kthimin e inflacionit në objektiv brenda vitit 2022. Rimëkëmbja e plotë e ekonomisë dhe rritja e qëndrueshme e inflacionit drejt objektivit duhet të vijojë të mbështetet nga një profil stimulues i politikave ekonomike.”
Sipas Bankës, rreziku është prezent akoma në periudhë afatshkurtër, por në atë afatmesme shihet më e balancuar, deri atëherë politikat monetare do të qëndrojnë të lehtësuara.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje