.png)
Në një rishikim për Produktin e Brendshëm Bruto të vitit 2019, Instat ka raportuar ulje me 0.1% duke e vlerësuar në 2.11% nga 2.21% që raportohej prillin e vitit të kaluar.
Nga të dhënat vjetore, PBB-ja me çmime korrente gjatë 2019-ës vlerësohej në 1.69 milionë lekë dhe 1.63 milionë lekë për 2018-ën. PBB-ja për frymë në vitin 2019 vlerësohej 593 mijë lekë nga 571 mijë lekë që ishte në 2018-ën.
Dy grupsektoret që ndikuan më së shumti në PBB-në e metodës së prodhimit ishin tregtia, transporti, akomodimi dhe shërbimi ushqimor me 0.65 pikë përqindje dhe administrata publike, arsimi dhe shëndetësia me 0.47 pikë përqindje.
Në PBB-në sipas aktiviteteve ekonomike peshën më të madhe e zë sektori i shërbimeve me 48.4%, duke shënuar një rritje në terma realë me 3.79 % dhe industria me ndërtimin përbëjnë 20.6% të PBB-së.
Instat e vlerëson deflatorin e PBB-së gjatë viti 2019 me 1.22%.
Në PBB-në e metodës së shpenzimeve, konsumi final zë pjesën më të madhe me 91.24%, nga i cili 79.11% i përket konsumit të popullatës dhe 11.35% konsumit të administratës publike.
Eksportet e mallrave dhe shërbimeve u rritën me 2.49%, në terma nominalë dhe me 2.64% në terma realë, ndërkohë që Importet e mallrave dhe shërbimeve u rritën me 2.77%, në terma nominalë dhe 2.29% në terma realë, krahasuar me vitin 2018.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje