Presidenti i Serbisë, Aleksandër Vuçic ka deklaruar pas një takimi në Bruksel me përfaqësuesin e posaçëm për dialogun të Bashkimit Europian, Mirosllav Lajçak, se pret që të pranojë ftesën për vazhdimin e dialogut me Kosovën në mesin e muajit maj.
“Serbia, natyrisht do t’i përgjigjet thirrjes për dialog dhe ne do të marrin pjesë në çdo lloj dialogu. Do të dëshironim që ai të ishte konstruktiv, që të flasim për zgjidhjen e problemeve. Si do të jetë ky proces, atë do ta shohim”, tha Vuçiq më 25 prill.
Ai deklaroi se në negociata ekzistojnë probleme të reja, para së gjithash në fushën e energjisë dhe këto probleme, siç ka thënë Vuçic, duhet të “zgjidhen shumë shpejt”.
“Ajo që është për ne e rëndësishme është që të garantojmë siguri për njerëzit tanë, të zgjidhim problemet dhe ajo për të cilën sot insistova, është zbatimi i obligimeve nga Marrëveshja e Brukselit, do të thotë Asociacioni i komunave me shumicë serbe dhe liria e lëvizjes së njerëzve, mallrave dhe shërbimeve, për të cilat kemi nënshkruar në Uashington”, u shpreh Vuçiq.
Vuçic do të takohet të hënën me presidentin e Këshillit të Europës, Charles Michel, me presidenten e Komisionit Europian, Ursula von der Leyen dhe shefin e diplomacisë së BE-së, Josep Borrell.
Presidenti serb ka komentuar edhe votimin e kryeministrit të Kosovës, Albin Kurti për zgjedhjet e përgjithshme në Shqipëri.
“Ajo që i thash Lajçakut është fakti se Albin Kurti po mburret se ka votuar në Shqipëri, që do të thotë, se ata de fakto duan të thonë se nuk ka rëndësi a je në Tiranë apo në Prishtinë sepse ky është një shtet”, u shpreh Vuçic.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
