.png)
Kryeministri Edi Rama bashkë me Ministren e Shëndetësisë dhe Mbrojtjes Sociale, Ogerta Manastirliu, kanë inspektuar Pediatrinë e re në QSUT. Manastirliu tha se ka përfunduar faza e para e projektit të Pediatrisë së Tiranës, ndërkohë që do të pajisjet me të gjitha aparaturat e nevojshme për të ofruar standardet më të larta të shërbimit.
“Kemi përfunduar fazën e parë të projektit të madh të Pediatrisë së Tiranës, ku godina e re tashmë ka përfunduar investimin”, shpjegoi Manastirliu.
Ndërsa kryeministri Edi Rama tha se do të rrisë përsëri pagën me 40% për mjekët. Ai tha se ajo që do t’u sjellë shumë me tepër, është autonomia spitalore, që përfundimisht spitalet të vetëadministrohen.
“Ministria e Shëndetësisë thjesht do të rrijë në nivelin e politikave edhe të administrimit të burimeve njerëzore. Ndërkohë që gjithë pjesa e funksionit do të jetë funksion i brendshëm. Kështu do të ndodhë ajo që ka ndodhur në Turqi edhe në vende të tjera, që paga pastaj bëhet pagë sipas punës. Kemi filluar punën me turqit për gjithë legjislacionin e ri. Por do ta diskutojmë me ju”, shtoi Rama.
Korpusi Pediatrik do të ketë 200 shtretër dhe do t’u shërbejë rreth 130 mijë fëmijëve që marrin shërbim çdo vit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
