Glauk Konjufca do të jetë kryetari i ri i Kuvendit të Kosovës. Lajmi është konfirmuar nga nënkryetarja e Kuvendit që vjen nga radhët e Lëvizjes Vetëvendosje, Alberie Nagavci.
“Ne tashmë i kemi numrat për votimin e qeverisë, përveç 58 deputetë të LVV, janë edhe 2 deputetë, Emilia Rexhepi dhe Elbert Krasqini, pra janë 60 deputetë. Kemi 3 deputetë të tjerë nga komunitet jo shumicë jo serbe”, u shpreh zonja Nagavci.
Zonja Nagavci ishte e rezervuar në dhënien e informacionit për postet e tjera të qeverisë, por tha se 5 gra do jenë pjese e qeverisë dhe njëra prej tyre do të drejtojë ministrinë e Punëve të Jashtme.
Mediaat kanë zbardhur disa prej emrave të kabinetit qeveritar ‘Kurti 2’.
- Albin Kurti – Kryeministër
- Besnik Bislimi – Zëvendëskryeministër
- Donika Gërvalla – ministre e Punëve të Jashtme
- Xhelal Sveçla – ministër i Punëve të Brendshme dhe Administratës
- Albulena Haxhiu – ministre e Drejtësisë
- Rozeta Hajdari – ministre e Tregtisë dhe Industrisë
- Arbërie Nagavci – ministre e Arsimit e Shkencës
- Hajrullah Çeku – ministër i Kulturës, Rinisë dhe Sportit
- Faton Peci – ministër i Bujqësisë
- Liburn Aliu – ministër i Ekonomisë dhe Ambientit
Lëvizja Vetëvendosje ka arritur të sigurojë 58 deputetë në kuvendin e ardhshëm, por për krijimin e qeverisë i duhen të paktën 61 vota. Seanca konstituive e Legjislaturës së re do të mbahet më 22 mars, ndërsa pas saj pritet votimi i qeverisë së re.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
