Vota e deputetit të komunitetit pakicë të romëve, ashkalinjve dhe egjiptianëve në Kosovë do të shkojë në mbështetje të Qeverisë së Albin Kurtit dhe të Vjosa Osmanit si Presidente.
Elbert Krasniqi i zgjedhur nga Iniciativa e Re Demokratike e Kosovës është takuar mesditën e së martës me kreun e Vetëvendosjes dhe Presidenten Osmani. Në përfundim të këtij takimi, Krasniqi ka deklaruar se do të votojë pro qeverisë “Kurti”.
“Diskutuam për procedurat dhe hapat në vijim për krijimin e institucioneve. IRDK, siç e dini është e përfaqësuar në Kuvendin e Kosovës me një deputet dhe vota jonë do të jetë për krijimin e Qeverisë Kurti dhe votë për Presidenten Osmani”, ka thënë Krasniqi.
Elbert Krasniqi është përfaqësues i komunitetit egjiptian në Kosovë. Në legjislaturën e kaluar ai ishte pjesë e grupit parlamentar të Vetëvendosjes. Me mbështetjen që i ofroi këtë të martë Albin Kurtit, kreu i VV-së ka të sigurta deri më tani 59 vota, nga 61 që i duhen për të marrë shumicën në Kuvend.
Mbledhja e parë e Kuvendit të ri pritet që të mbahet më 22 mars.
Elbert Krasniqi nga komuniteti egjiptian. gjatë legjislaturës së kaluar ishte pjesë e Grupit Parlamentar të LVV-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
