Marjana, Ola, Maria… Nëna surrogate në Shqipëri, mes biznesit apo të drejtës për të pasur fëmijë?

Një grua e re ukrainase lindi fëmijën e porositur të dy prindërve italianë, që paguan kostot e shërbimit përmes një agjencie të caktuar që ofronte shërbimin në vendin lindor. Kur panë se fëmija kishte probleme në zhvillimin fizik dhe mendor, prindërit porositës refuzuan ta merrnin.  Ata ngritën  pretendimin se nëna surrogate nuk kishte respektuar kontratën, duke vendosur të punojë  gjatë muajve të shtatzënisë, që kishte rrezikuar kështu shëndetin e fetusit. Në fund, nëna surrogate nuk e braktisi foshnjën dhe vendosi ta rriste e vetme.