Kryetari i Lëvizjes Vetëvendosje, Albin Kurti nuk do të marrë pjesë si kandidat në zgjedhjet e 14 shkurtit.
Gjykata Supreme rrëzoi ankesën e Kurtit bashkë me atë të ish ministres së Drejtësisë Albulena Haxhiu të cilët ankimonin vendimin e KQZ për t’i hequr nga lista e votimit.
Pas vendimit ka reaguar edhe Presidentja në detyrë e Kosovës, Vjosa Osmani.
“Në historinë e popujve vota ka dy funksione: për ta ndëshkuar një model qeverisës dhe për ta hapur një kapitull të ri politik.
Kthesat politike kërkojnë kurajo dhe guxim.
Më 14 shkurt me kurajo dhe guxim, e me vullnetin tuaj, Albin Kurti do të jetë kryeministër!”, shkruan Osmani në “Facebook”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
