Kreu i Lëvizjes Vetëvendosje, Albin Kurti, është hequr nga lista e kandidatëve për deputetë në Kuvendin e Kosovës. Lajmi u njoftua nga “Zëri” bazuar në burime të sigurta brenda LVV-së.
Ndërkohë, ish-ministrja e Drejtësisë, Albulena Haxhiu, përmes një postimi në Facebook, ka thënë se këto janë “përpjekjet dhe shkelmat e fundit të atyre që e kapën shtetin dhe atyre që i shërbyen shtetit të kapur”.
“Albini, gëzon mbështetje shumë të madhe qytetare dhe kjo mbështetje është e pakontestuar prandaj qytetarët me të drejtë janë të shqetësuar për tendencat e qëllimshme për largimin nga lista të Albinit! Në shtetin e kapur, kështu ndodhë! Këto janë përpjekjet dhe shkelmat e fundit të atyre që e kapën shtetin dhe atyre që i shërbyen shtetit të kapur”, shkruan Haxhiu.
Zëdhënësi i Komisionit Qendror të Zgjedhjeve, Valmir Elezi, gjatë ditës së sotme raportoi se gjithsej janë 47 kandidatë, të cilët nuk janë certifikuar për deputetë, përfshi edhe Albin Kurtin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
