“Bukë e dërrmuar” dhe “sallatë me gëzim vallëzimi” nuk janë pjatat e zakonshme në një menu në Tajlandë, por një restorant shpreson që kuzhina e saj ‘e mbushur’ me kanabis mund të joshë turistët e huaj dhe të heqë tabutë.
Restoranti në spitalin Chao Phya Abhaibhubejhr në Prachin Buri filloi të shërbejë ushqimet e tij të lumtura këtë muaj, pasi Tajlanda lejoi firmat e autorizuara nga shteti të kultivonin kanabisin.
“Gjethet e kanabisit, kur futen në ushqim edhe një sasi të vogël, i ndihmojnë pacientët të shërohet më shpejt nga sëmundja,” tha Pakakrong Këankao, udhëheqësi i projektit në spital.
“Gjethja e kanabisit mund të përmirësojë oreksin dhe t’i bëjë njerëzit të flenë mirë dhe gjithashtu të jenë në humor, në humor të mirë.” shton ai.
Spitali njihet në Tajlandë për studimin e marihuanës dhe aftësinë e tij për të lehtësuar dhimbjen dhe lodhjen.
Tajlanda në vitin 2017 u bë vendi i parë i Azisë Juglindore që legalizoi kanabisin për përdorim mjekësor dhe që atëherë ka hapur klinika të shumta marijuane mjekësore.
Ofertat e restorantit përfshijnë një supë ‘të lumtur’ me mish derri, bukë të skuqur, të mbushur me mish derri dhe një gjethe marijuane dhe një sallatë me gjethe të kanabisit të freskëta të shërbyera me perime të copëtuara.
“Unë kurrë nuk kam provuar kanabis më parë, është e çuditshme, por është e shijshme”, tha Ketsirin Boonsiri një nga klientet.
Nattanon Naranan, një tjetër kliente tha se shija e gjetheve të kanabisit ishte e ngjashme me perimet e përditshme, por pasojat ishin krejt të ndryshme.
Hapi tjetër i spitalit është që të mundohet ta përfshijë kanabisin edhe në menu të restoranteve nëpër vend për të rritur popullaritetin e pjatave me kanabis edhe më shumë.
/Reuters/ Përktheu Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
