.png)
Vaksina Oxford-AstraZeneca është aprovuar për përdorim në Mbretërinë e Bashkuar, me dozat e para që do të jepen të hënën, duke qenë se ka një rritje të rasteve me Covid-19.
Mbretëria e Bashkuar ka porositur 100 milion doza, të mjaftueshme për të vaksinuar 50 milion njerëz.
“Kjo do të mbulojë të gjithë popullsinë, kur kombinohet me dozën e plotë të vakainës Pfizer-BioNTech,” tha sekretari i shëndetësisë Matt Hancock.
Kjo vjen ndërsa miliona shumë njerëz në Angli pritet të vendosen nën kufizimet më të ashpra.
Kryeministri Boris Johnson e quajti zhvillimin “një triumf” për shkencën britanike, duke thënë se tani do të lëvizim për të vaksinuar sa më shumë njerëz sa më shpejt të jetë e mundur.
Dhe shefi mjekësor i Anglisë Chris Whitty vlerësoi “përpjekjen e konsiderueshme kolektive që ka bërë të mundur arritjen e vaksinimit”.
Hancock tha se zhvillimi ishte një “moment i rëndësishëm” në luftën kundër virusit.
Ditët e fundit ka pasur një rritje të menjëhershme të mutacionit të ri të Covid-19 dhe dje u shënua një numër relativisht i lartë, prej 53,135 rastesh të reja në 24 orë.
Vaksina e Oxford-AstraZeneca u krijua në muajt e parë të vitit 2020, e u testua tek vullnetari i parë në Prill dhe që atëherë ka kaluar, nëpër prova klinike në shkallë të gjerë që përfshijnë mijëra njerëz. Është zhvilluar me një ritëm që do të kishte qenë i pamendueshëm para pandemisë.
Është vaksina e dytë që aprovohet në Mbretërinë e Bashkuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje