.png)
Agjencia Evropiane e Barnave (EMA) ka miratuar përdorimin e vaksinës Pfizer-BioNTech COVID-19 në BE. Autorizimi do të hapë rrugën për fillimin e vaksinimeve në Evropë në 27 Dhjetor.
Pasi shkencëtarët e EMA arritën në përfundimin se vaksina është e sigurt, zyrtarët në agjencinë me bazë në Amsterdam dhanë miratimin për të me kush që të shpërndahej në bllokun e 27 vendeve.
Kreu i Komisionit Evropian Ursula von der Leyen tha se Komisioni Evropian tani do të veprojë shpejt dhe do të vendosë mbi autorizimin sonte. Kompanitë farmaceutike gjithashtu do të duhet të paraqesin të dhëna përcjellëse për vaksinën e tyre për vitin e ardhshëm. Rregullatori Evropian u gjend nën presion të rëndë javën e kaluar pasi shtetet kërkonin që vakaina të miratohej për përdorim emergjent.
EMA fillimisht kishte caktuar 29 dhjetorin si datë për vlerësimin e saj të vaksinës, të bërë nga BioNTech me bazë në Gjermani, por e përshpejtoi vendimin pas presionit nga Berlini dhe vendet e tjera anëtare.
Miratimi nga BE i vaksinës vjen afërsisht tre javë pas Britanisë, e cila ka filluar administrimin e vaksinimit për qytetarët e saj.
Arsyeja kryesore për këtë ndryshim ishte, ndryshe nga SHBA dhe BE, BE nuk nxitoi në dispozitat e përdorimit emergjent, të cilat lejojnë aprovim më të shpejtë, por nënkuptojnë se vaksina futet në kategorinë e produkteve të palicencuara që lejohen vetëm për përdorim të përkohshëm. .
Qasja e EMA ndaj vaksinave COVID-19 është mjaft e ngjashme me procedurën normale të licencimit, përveç që ka qenë pak e shpejtë. Kompanitë duhet të japin ende të dhëna. Në një deklaratë javën e kaluar, agjencia theksoi se vaksina do të miratohet vetëm pasi një vlerësim shkencor tregoi se përfitimet e saj të përgjithshme tejkalojnë rreziqet që paraqiten.
“Përfitimet e një vaksine në mbrojtjen e njerëzve nga COVID-19 duhet të jenë shumë më të mëdha se çdo efekt anësor ose rreziqe të mundshme”, tha ajo.
BioNTech dhe Pfizer i ofruan BE 400 milion doza të vaksinës, por komisioni ekzekutiv i bllokut zgjodhi të blinte vetëm 200 milionë doza.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje