Për të shmangur radhët e gjata dhe përplasjen në sportelet e postave dhe bankave, Instituti i Sigurimeve Shoqërore ka shpërndarë grafikun e tërheqjes së shpërblimit të fundvitit për pensionistët.
Sipas këtij grafiku, shpërblimi mund të tërhiqet duke filluar nga data 21 dhjetor, sipas një kalendari ku e përfitojnë personat që marrin pensionin në këtë datë dhe ata që e tërheqin ata në datat 1-2 të çdo muaji.
Më 22 dhjetor shpërblimi mund të merret nga pensionistët që kanë tërhequr pensionin më 3 dhe 4 dhjetor, 23 dhjetor ata që kanë tërhequr pensionin më 7 dhe 8 dhjetor e kështu me radhë.
Shpërblimi mund të tërhiqet deri më 31 dhjetor dhe për të gjithë ata persona që nuk kanë mundur ta tërheqin atë brenda këtij viti mund ta bëjnë atë në janar me paraqitjen në sportelet e postës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
