Presidentja në detyrë e Kosovës, Vjosa Osmani ka njoftuar sot se është infektuar me koronavirus.
Osmani njoftoi se gjatë dy javëve të ardhshme do të vazhdojë punën nga shtëpia.
“Përkundër kujdesit maksimal, po këto ditë virusi është kudo, më i përhapur se kurrë më parë, dhe më i rrezikshëm se kurrë. Prandaj, uroj që ta tejkalojmë këtë sfidë bashkërisht, duke mos e injoruar rrezikun nga virusi dhe kujdesin që duhet treguar”, ka shkruar Osmani në rrjetin social Facebook.
Vetëm gjatë të martës, Instituti Kombëtar i Shëndetësisë Publike të Kosovës njoftoi se 16 pacientë kanë vdekur dhe janë regjistruar 690 raste të reja me koronavirus.
Në Kosovë, që prej 13 marsit, e deri më 17 nëntor 30, 495 persona janë infektuar me koronavirus. Prej tyre, 849 pacientë kanë vdekur dhe 17, 878 janë shëruar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
