.png)
Tranzicioni i botës në burime më të pastra të energjisë po përhapet me shpejtësi pasi pandemia po përshpejton një zhvendosje në investime larg karburanteve fosile, sipas Agjencisë Ndërkombëtare të Energjisë.
Shpenzimet kapitale për energji këtë vit është vendosur të zhyten me 18%, pasi kërkesa globale e energjisë pritet të bjerë me 5%, një tërheqje që nuk është parë që nga Lufta e Dytë Botërore, tha agjencia në raportin e saj vjetor për të ardhmen e industrisë.
Por shkurtimet e parashikuara të investimeve janë shumë të pabarabarta, duke nënvizuar një divergjencë në atë që kompanitë, tregjet dhe investitorët janë të gatshëm të financojnë. Shpenzimet për furnizimet e reja të naftës dhe gazit patën goditjet më të mëdha, ndërsa energjia e rinovueshme mbahej më mirë se çdo burim tjetër, gjeti IEA. Pandemia dobësoi bilancet e korporatave dhe rriti pasigurinë mbi kërkesën e karburanteve në të ardhmen, duke nxitur shkurtimet rekord.
IEA pret që burimet e ripërtëritshme të sigurojnë 80% të rritjes së kërkesës globale për energji elektrike deri në vitin 2030.
“Ne po shohim një bum të madh të energjisë së rinovueshme.” tha drejtori ekzekutiv i IEA Fatih Birol.
Mark Florian, kreu i fondeve globale të energjisë dhe infrastrukturës së energjisë në BlackRock Inc., menaxheri më i madh i aseteve në botë, tha se disa investitorë tërhiqeshin nga kthimet e qëndrueshme që projektet e rinovueshme mund të siguronin, por se ndjenja nuk ishte universale.
“Ne patjetër shohim rritje të mëtejshme në investimet e energjisë së rinovueshme dhe investitorë të caktuar institucionalë që duan të shtyjnë më shumë, por nuk do të thosha që është e kudogjendur,” tha ai.
Disa nga kompanitë më të mëdha të energjisë në botë kanë filluar të rimendojnë investimet e ardhshme në dritën e një investitori në ndryshim. BP plc, një kompani ndërkombëtare e naftës dhe gazit muajin e kaluar detajoi një strategji për t’u larguar nga nafta drejt burimeve të ripërtëritshme. Ato parashikuan gjithashtu që kërkesa për naftë mund të ketë arritur kulmin para pandemisë.
“Pandemia besoj se vetëm shton sfidën e naftës në të ardhmen,” tha Shefi Ekzekutiv i BP Bernard Looney. Ai sugjeroi që zakonet e ndryshuara të tilla si puna nga shtëpia dhe udhëtimi i reduktuar mund të qëndrojnë, duke ulur kështu kërkesën për karburant përgjithmonë.
Firma franceze e energjisë “Total SA” muajin e kaluar tha se do të rriste shpenzimet për burimet e rinovueshme në 3 miliardë dollarë në vit deri në 2030, nga 2 miliardë dollarë në vit.
IEA tha se kërkesa vjetore e anëtarëve të saj për naftë kishte arritur tashmë kulmin dhe etja e tyre për naftë nuk do të kthehet në nivelet para-pandemike.
“Ishte një vit sfidues për industrinë tonë dhe shumë të tjera, por ndërsa ekonomitë rimëkëmben, ne mbetemi optimistë për atë që na pret”, tha Frank Macchiarola, nënkryetar në Institutin Amerikan të Naftës.
“Nafta dhe gazi natyror do të vazhdojnë të jenë një burim i rëndësishëm i kësaj energjie për dekadat e ardhshme.”
Për prodhuesit e qymyrit, perspektiva është më e zymtë. IEA tha se kërkesa globale për karburant nuk do të kalonte pikun e saj në 2014 dhe deri në 2040 do të përbëjë më pak se një të pestën e përzierjes globale të energjisë për herë të parë që nga revolucioni industrial.
Birol tha se plotësimi i kërkesës së re me burime të ripërtëritshme nuk ishte i mjaftueshëm për të zvogëluar emetimet e gazeve serë. Ai vuri në dukje se pajisjet ekzistuese të energjisë dhe industrisë së rëndë duke përfshirë thëngjillin dhe impiantet petrokimike, furrat e çimentos, prodhuesit e çelikut dhe hekurit do të gjeneronin mjaft përpara se ato të zëvendësohen.
Ai tha se çdo gjë që do të ndërtohet duhet të jetë e pastër dhe duhet ti japim rëndësinë e duhur infrastukturës ekzistuese.
“Mësimet nga luftimi i Covid-19 nuk janë inkurajuese,” tha Daniel Raimi, bashkëpunëtor kërkimor në “Resources for the Future”, një qendër jofitimprurëse e mjedisit dhe energjisë.
“Deri më tani, mendoj se kemi parë më shumë dyshime dhe ashpërsi në këtë periudhë sesa bashkëpunim dhe bashkim dhe këtë unë e marr si një shenjë negative.” tha ai.
Ndërsa pandemia ka bërë që investimi i karburanteve fosile të bjerë në periudhë afatshkurtër dhe një rënie e parashikuar prej 7% në emetimet e gazeve serë në lidhje me energjinë në vitin 2020 sipas IEA, këto ndikime mund të jenë jetëshkurtra. Kina, vendi i parë që përjetoi pandeminë tashmë ka parë që nivelet e emetimeve të kthehen në nivelet para-pandemike, tha raporti i IEA.
“Dekada e ardhshme do të jetë thelbësore në përcaktimin nëse kalimi në energji të pastër është fakt.” u tha në raport.
“Ne jemi në një greminë, ne mund të investojmë në gjërat që e bëjnë botën tonë më të sigurt ose mund të biem”, tha Angela Anderson, drejtoresha e programit të klimës dhe energjisë në Bashkimin e Shkencëtarëve.
Ajo tha se tani është mundësia më e mirë pasi pengesat e kostos po zvogëlohen dhe rezistenca e konsumatorit ndaj ndryshimeve është shumë më pak sesa kemi parë në të kaluarën.
Burimi: Wall Street Journal. Përktheu: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje