.png)
Larja e dhëmbëve është një nga ritualet që ne përsërisim më shumë gjatë gjithë jetës sonë, në të shumtën e kohës pa e vërejtur madje se po e bëjmë automatikisht. Por kjo nuk do të thotë se ne e bëjmë këtë në mënyrën e duhur. Për shembull, ka gjëra që bëjmë kur lajmë dhëmbët që mund të përfundojnë duke shkaktuar zgavra.
Fluori është zemra dhe shpirti i pastës së dhëmbëve
Pasta e dhëmbëve, kjo shpikje e mahnitshme, që synohet të përdoret çdo ditë, është një produkt që përmban një kombinim të disa përbërësve, më i rëndësishmi prej të cilëve është fluori. Kjo sepse funksioni i tij është të mbrojë smaltin e dhëmbit nga bakteret, të cilat shkaktojnë sëmundje infektive si zgavrat. Këto baktere mund të shkaktojnë përkeqësimin e dhëmbëve tuaj. Me fjalë të tjera, përdorimi i pastës së dhëmbëve mund të zvogëlojë rrezikun për t’u infektuar nga sëmundje të ndryshme me rreth 25% në 45%, për të qenë të saktë.
Ndikon shumë dhe koha që harxhoni duke larë dhëmbët
Për fat të keq, shumica e njerëzve i lajnë dhëmbët për rreth 45 deri 70 sekonda. Kjo mund të ketë lidhje dhe me ritmin e shpejtë me të cilin jemi të detyruar të ecim në jetën tonë. Sidoqoftë, Programi i Efektivitetit Klinik dentar Skocez (SDCEP) rekomandon larjen e dhëmbëve për rreth 2 minuta për të parandaluar prishjen e dhëmbëve dhe sëmundje të tjera të lidhura me higjienën orale.
Shpëlarja e tepërt mund të dëmtojë dhëmbët tuaj
Edhe pse mund të mendoni se është një ide e shkëlqyeshme të hiqni të gjitha gjurmët e pastës së dhëmbëve nga dhëmbët tuaj pas larjes, shpëlarja e plotë nuk është në të vërtetë më e mira që mund të bëni, ose të paktën kjo është ajo që zbuloi në një studim Clement Seeballuck, Pedagog i Stomatologjinë Pediatrike në Universitetin e Dundee.
Sipas tij, është më mirë thjesht të pështyhet mbetja, pasi që shpëlarja e tepërt mund të largojë fluorin nga dhëmbët tuaj, duke e bërë mbrojtjen që ofron, më pak efektive.
Larja e dhëmbëve në darkë është më e rëndësishme se sa mendoni
Në të njëjtin studim, Seeballuk gjithashtu tha se larja e dhëmbëve në darkë është jashtëzakonisht e rëndësishme. Kjo sepse ndërsa flemë, ne nuk krijojmë të njëjtën sasi të pështymës si kur jemi zgjuar dhe për shkak të kësaj, goja jonë nuk eliminon mbetjet që ushqejnë bakteret e afta të shkaktojnë prishjen e dhëmbëve.
Më pak sheqer është e barabartë me më pak zgavra
Përveç teknikës së duhur, OBSH sugjeron uljen e konsumit të sheqerit në ushqim në më pak se 10% të kalorive tuaja ditore. Sipas tyre, kjo mund të na ndihmojë të kujdesemi më mirë për dhëmbët tanë. Gjithashtu rekomandohet konsumimi i gjithë frutave në krahasim me pijet e lengjet e përpunuara pasi bakteriet që shkaktojnë prishjen e dhëmbëve ushqehen nga sheqernat që kanë këto pije.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje