Në 24 orët e fundit janë konfirmuar 6 raste të reja me Covid-19, duke e çuar numrin total të të infektuarve në vendin tonë, mbi 1000.
Eugena Tomini nga Instituti i Shëndetit Publik, bën me dije se situata vijon të jetë e qëndrueshme dhe kurba epidemike ka qenë e butë.
Situata në spitalin infektiv paraqitet e qëndrueshme. Aktualisht po trajtohen 16 pacientë, ndërsa 4 prej tyre janë në terapi intensive. Numri i rasteve të konfirmuara pozitivë në të gjithë vendin sot ka kaluar mbi 1 mijë. Gjatë 24 orëve të fundit janë konfirmuar 6 raste pozitivë. 4 raste janë në Tiranë dhe 2 në Shkodër, kryesisht kontakte të rasteve të mëparshme pozitive, por edhe raste në proces hetimi epidemiologjik. Nga fillimi i epidemisë janë kryer mbi 14500 testime molekulare dhe serologjike. Në vendin tonë aktualisht janë 177 persona aktivë me Covid-19, kryesisht ne Tiranë, Durrës dhe Krujë,”është shprehur Tomini.
Që nga fillimi i epidemisë rreth 79% e të prekurve tashmë janë shëruar, por Tomini bën thirrje se qytetarët duhet të jenë të kujdesshëm , duke respektuar distancimin social dhe duke kontaktuar me 127 nëse kanë ndonjë simptomë të kësaj sëmundje.
Tomini shtoi se nëse qytetarët kanë nevojë për këshillim psikologjik, apo për informacion të komunikojnë në linjën e gjelbër 0800 40 40.
Shpërndarja gjeografike e rasteve aktive është si vijon:
Tiranë 59 raste
Durrës 53 raste
Krujë 27 raste
Shkodër 12 raste
Berat 10 raste
Kamëz 9 raste
Fier 4 raste
Elbasan 1 rast
Mirditë 1 rast
Korçë 1 raste
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
