Qyteti i Beratit ka shprehur solidaritetin e tij me Italinë, e cila është përballur prej më shumë se një muaji me një numër shumë të madh viktimash, për shkak të koronavirusit. Bashkia e Beratit ka vendosur në qendër të qytetit, pranë lagjes muzeale “Mangalem” një zemër të veshur me ngjyrat e flamurit italian.
Gjesti solidarizues dhe shpresë-sjellës i bashkisë së Beratit, është një simbol i mbështetjes dhe vëllazërisë së qytetit muze për vendin tonë fqinj, Italinë, në këto ditë të vështira që po kalon si pasojë e përhapjes në masë të virusit COVID-19. Sipas bashkisë Berat, zemra me ngjyrat e flamurit italian, e vendosur në zonën historike të qytetit, personifikon pikërisht “një zemër” që nuk rreth vetëm për kombin e saj po tashmë ajo rreh për dy kombe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
