200 qytetarë shqiptarë të bllokuar në Gjermani, si pasojë e mbylljes së kufijve nga të gjitha vendet e Bashkimit Europain janë nisur sot drejt Shqipërisë.
Ministria për Europën dhe Punët e Jashtme thotë se pasagjerëve shqiptarë ishin bllokuar sot në aeroport, në Gjermani.
“Qytetarët shqiptarë do të duhet të fluturonin sot në orën shtatë (7) të mëngjesit me linjën ajrore Wizzair, por pa asnjë shpjegim të qartë asnjë prej tyre nuk është lejuar të niset drejt Tiranës”, njofton MEPJ.
Ata kanë mundur të udhëtojnë vetëm pas ndërhyrjes së Përfaqësisë shqiptare në Mynih, në Berlin dhe në koordinim me Ambasadën në Budapest.
“Përfaqësues të Konsullatës Shqiptare në Mynih, kanë qëndruar në ambientet e aeroportit deri në momentin që avioni me 200 pasagjerët shqiptarë është nisur nga Memmingen drejt Tiranës”, thotë Ministria e Jashmte.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.