Presidenti Donald Trump njoftoi se ka kryer testin ndaj koronavirusit dhe pret marrjen e përgjigjes. Ai tha se as vetë nuk e dinte se kur mund të dalin rezultatet e tyre.
Trump i bëri këto komente gjatë një konference për shtyp në Shtëpinë e Bardhë, kur njoftoi të dhënat e fundit mbi situatën e krijuar në vend si pasojë e përhapjes së pandemisë së koronavirusit dhe masat e marra prej administratës së tij pas shpalljes së gjendjes së emergjencës kombëtare.
Zëri i Amerikës thotë se të premten u zbulua se katër anëtarë të një delegacioni brazilian që darkuan në Mar a Lago me Presidentin Trump para një jave kanë rezultuar që të gjithë pozitivë me koronavirus.
Një mjek i stafit të Presidentit qetësoi amerikanë, duke deklaruar se rreziku që Trump të jetë infektuar është mjaft i ulët, pasi ai ka patur ndërveprime të kufizuara me zyrtarët brazilianë në fjalë. Ai tha gjithashtu se nuk është e nevojshme që Trump të futet në karantinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
