Rasti më i rëndë i prekur nga koronavirusi është ai i 75-vjeçares nga Durrësi, e cila sipas burimeve gjendet në sallën e Reaminacionit. Ndërkohë që është marrë vendimi i izolimit të 4 mjekëve dhe infermierëve, si edhe stafit që kanë pasur kontakte me të sëmuren, e cila fillimisht ishte ankuar për problemet e saj kronike dhe nuk e kishte rrëfyer se ishte kthyer nga Italia. Gjithashtu mësohet se mjekët kanë marrë dhe kryer kontrollet e specializuara edhe për familjarët e 75-vjeçares që kishte ardhur nga Italia në 25 shkurt.
Mjeku Pëllumb Pipero tha në emisionin “Opinion” se rasti i Durrësit ishte një gabim, por që sipas tij një gjë e tillë është bërë edhe në Itali dhe mund të ndodh kudo. “Dje ju kam thënë lani sa më shesh duart, sot po ju them kufizoni lëvizjet. Edhe në Itali rasti i parë u konstatua pas 5 ditësh. Nëse në Durrës është bërë i njëjti gabim, është njerëzor, kudo mund të ndodhte”, theksoi Pipero.
Ndërsa mësohet se 75-vjeçarja nuk është izoluar menjëherë, por që ka qëndruar në spital dhe me pacientë të tjerë. Pas 5 ditësh në spital ajo u konfirmua me koronavirus. Të afërmit e saj kanë thënë se kanë qëndruar me të infektuarën, ndërsa janë ankuar për përgjigjen e stafit mjekësor duke evidentuar edhe se në numrin 127 ju kanë thënë se nuk ka tampon për t’i kontrolluar nëse e kanë marrë edhe ata virusin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
