Paniku masiv ka përfshirë Italinë, pasi qeveria vendosi një karantinë që prek 16 milionë njerëz në rajonin verior të vendit në një përpjekje për të luftuar përhapjen e koronavirusit vdekjeprurës. Covid-19 ka kapluar Italinë ku numri i rasteve u rrit me 1247 të infektuar në 24 orët e fundit – rritja më e madhe ditore që nga fillimi i shpërthimit i koronavirusit.
Kryeministri Giuseppe Conte nënshkroi një dekret në orët e para të mëngjesit që do të vazhdojë deri më 3 prill duke ndaluar rreth 16 milionë njerëz të lëvizin brenda dhe jashtë në disa rajone në veriun e zhvilluar të vendit.
Lajmet për karantinën rodhën në media duke shkaktuar fillimisht kaos ndërsa njerëzit nxituan të dilnin para se të vendoset bllokimi. Por disa orë pasi u bë njoftimi për herë të parë, autobusët dhe trenat duket se ende po funksionojnë duke lejuar lëvizjen e udhëtarëve në panik.
Nën situatën e karantinës, baret dhe restorantet do të qëndrojnë të hapura por duhet të sigurojnë që të gjithë të ulen të paktën tre metra larg njëri-tjetrit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
