Autoritetet e shëndetit në Lushnjë dyshuan ditën e premte se një grua 50-vjeçare nga Lushnja është e prekur nga koronavirusi.
Informacionet paraprake vinin nga spitali i qytetit. Aty gruaja u paraqit me simptomat e virusit: vështirësi në frymëmarrje, temperaturë e lartë dhe dhimbje artikulacionesh.
Pas analizave të bëra si fillim në spitalin e Lushnjes, gruaja është mbajtur në karantinë për rreth 1 orë dhe më pas është dërguar drejt Qendrës Spitalore “Nënë Tereza” në Tiranë për egzaminime të thelluara.
Por burime të sigurta i thanë gazetës se dyshimet për koronavirusin kanë rënë dhe gruaja paraqet shëndet të stabilizuar.
Gjithsesi, për t’u siguruar Instituti i Shëndetit Publik mori një tampon nga pacientja në fjalë dhe e analizoi në laboratorin e certifikuar nga OBSh. Edhe këtu analizat dolën negative dhe zyrtarisht, pas më shumë se 40 rasteve të dyshuara, Shqipëria vijon te mbetet në listën e vendeve të paprekura nga koronavirusi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
