Guvernatori Gent Sejko tha në konferencën periodike për shtyp pas Mbledhjes së Këshillit Mbikqyrës se shqiptarët do të vuajnë pasojat e tërmetit të 26 nëntorit kryesisht gjatë vitit 2019-të.
Efektet shpjegoi ai nuk do të shtrihen për ekonominë as në afatmesëm e as në afatgjatë vetëm nëse qeveria do të kryejë rindërtimin brenda afateve të deklaruara. Në të kundërt, u shpreh guvernatori, efektet negative të tërmetit në ekonomi do të zgjasin sepse efeketet psikologjike do të tejkalojnë ato materiale.
Këshilli Mbikqyrës vendosi që stimuli monetar është i përshtatshëm dhe norma bazë e interesit do të mbetet 1%.
Ndërhyrja e politikës monetare sipas guvernatorit, do të ndodhte në rast se pasojat e tërnetit do të shtriheshin në kohë.
Guvernatori gjatë analizës që I bëri ekonomisë, theksoi se rritja e pagave dhe kostove të prodhimit është e pamjaftueshme për kthimin e inflacionit në objektiv që tregon se punësimi I plotë është larg.
Sipas tij, rindëritmi do të japë efekt pozitiv, por me kohën.
Rritja e punësimit dhe pagave do të mbështesë zgjerimin e konsumit familjar, eksportet do trë përfitojnë nga zgjerimi i sektorit të turizmit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
