Numri i rasteve të konfirmuara të koronavirusit në Australi arriti në 12 këtë të shtunë, pasi Australia e Jugut konfirmoi dy personat e parë dhe Victoria konfirmoi të katërtën.
Një grua dhe një burrë, të dy në moshën 60-vjeçare, janë diagnostikuar me virusin dhe janë të izoluar në Spitalin Royal Adelaide, sipas një deklarate të postuar në faqen e Shëndetit të Australisë së Jugut.
Të dy pacientët mbërritën në Adelaide nga Wuhan më 20 janar, thuhet në deklaratë.
“Ata janë izoluar në një shtëpi që nga mbërritja dhe masat e duhura janë marrë pas paraqitjes në spital”.
I afërmi me të cilin kanë qëndruar dy personat është duke u testuar dhe është në izolim, vijon më tej deklarata.
Personi i fundit që konfirmohet me koronavirusin në Victoria është një vajzë 20 vjeçe, tha në një deklaratë Departamenti i Shëndetit dhe Shërbimeve Njerëzore të Victoria-s. Ajo u konfirmua pozitive të premten pas një serie testimesh.
“Gruaja është banore në Melburn dhe po shërohet në shtëpi”, thotë Departamenti i Shëndetësisë. Ajo kaloi kohë në Wuhan dhe u kthye në shtëpi në Victoria më 25 janar. Ajo u sëmur dy ditë më vonë. Vajza u pa nga mjekët në një spital në Melburn më 30 janar.
Hong Kongu dhe Tajvani konfirmojnë raste të reja
Hong Kongu ka konfirmuar rastin e 13-të të koronavirusit”, është shprehur qeveria në një deklaratë këtë të shtunë. Ndërkohë, Qendra për Kontrollin e Sëmundjeve të Tajvanit tha të premten se numri i rasteve në territorin e tij arriti në 10.
Një burrë në të dyzetat u kthye në Tajvan nga Wuhani më 12 janar dhe ju shfaqën simptoma të infeksionit të sipërm të frymëmarrjes më 21 janar.
Rasti i ri në Hong Kong është një burrë 39-vjeçar, i cili u raportua se kishte pasur dhimbje të muskujve më 29 janar dhe filloi të ketë ethe të premten. Ai aktualisht është në një gjendje të qëndrueshme dhe në izolim në spital.
Hubei po pezullon regjistrimet e martesës… për të luftuar virusin
Provinca Hubeit në Kinë ka pezulluar të gjitha regjistrimet e martesës deri në njoftimin e mëtejshëm.
Pezullimi do të fillojë më 3 shkurt për të parandaluar përhapjen e shpërthimit, “mbrojtjen e shëndetit publik dhe ruajtjen e interesave publike”, tha krahina në një deklaratë në faqen e saj të internetit.
Kjo është vetëm nga njëra nga seria e masave drastike në provincë. Në një qytet tjetër afër Wuhan, çdo familje lejohet që vetëm një përfaqësues të dalë nga shtëpia dhe të blejë ushqime çdo ditë tjetër.
Gati 60 milionë njerëz, kryesisht në Hubei, janë nën bllokim të pjesshëm ose të plotë – kjo nënkupton lëvizje të kufizuar brenda ose jashtë qyteteve, rrugë të mbyllura dhe tranzicion të pezulluar publik.
Një ilaç tradicional kinez që thuhet se ndihmon në luftimin e koronavirusit
A mund të ndihmojë një ilaç tradicional kinez që të luftojë koronavirusin, apo është thjesht një pseudoshkencë dhe shpresë e rreme?
Këto ishin pyetjet që mbizotërojnë në mediat sociale kineze, pasi agjencia shtetërore e lajmeve ‘Xinhua’ raportoi të premten se Instituti Shanghai i Materia Medica dhe Instituti Wuhan i Virologjisë kishin zbuluar që lëngu “Shuanghuanglian” – një ilaç bimor i kombinuar i përdorur zakonisht për të lehtësuar disa simptoma të tilla si ethe, kollë dhe dhimbje të fytit – mund të përdoret për të “penguar” virusin vdekjeprurës.
Njerëz të shumtë janë rreshtuar gjatë gjithë natës jashtë farmacive në të gjithë Kinën për të blerë Shuanghuanglian, duke shkuar ironikisht kundër këshillave të autoriteteve për të shmangur mbledhjen në publik.
Ndërkohë, të shtunën, megjithatë, “Daily News” paralajmëroi se “pengimi nuk është i barabartë me parandalimin dhe trajtimin”, duke kujtuar publikun të mos nxitojë për të blerë ilaçin bimor. Gjetjet ende duhen studiuar, dhe ende nuk ka trajtime të provuara për virusin”.
Ndërkohë, në Hong Kong (një nga 7 repartet mjekësore) lëshoi një deklaratë duke njoftuar se mbi 1,100 persona nga stafi i saj mjekësor kanë nënshkruar një apel të hapur për qeverinë për të ndaluar të gjithë vizitorët nga Kina kontinentale.
Deklarata shton se stafi po shqyrton të hënën daljen në grevë nëse kërkesat e tyre nuk përmbushen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
