Niveli i madh ndotjes së deteve është bërë tema kryesore e organizatave ambientaliste dhe qeverive në botë. Ai që cilësohet si një nga detet më të ndotur në botë, është Mesdheu.
Televizioni “France 2” ka realizuar një dokumentar, në të cilin kamerat e një nëndetëseje për herë të parë kanë filmuar fundin e Detit Mesdhe, në thellësinë 2200 metra. Pamjet janë konsideruar si tronditëse, teksa në gjithë sipërfaqen fundore të detit shihen mbeturina gjithandej, lavatriçe, orendi nga më të ndryshmet, duke shkatërruar habitatet e gjallesave të ujit.
Mbetjet janë të të gjitha llojeve dhe të përmasave dhe shkencëtaret e ambientlistët i kanë marrë disa prej tyre për t’i analizuar. Mbetjet do të studiohen për periudhën që kanë qëndruar në fundin e detit dhe impaktin që kanë shkaktuar në jetën e gjallesave ujore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.