Inflacioni në mars në terma mujorë ka regjistruar shifër negative -0,5 %.
Ky ndryshim, shpjegon INSTAT, është ndikuar kryesisht nga ulja e çmimeve të grupit “Ushqime dhe pije joalkoolike”. Këtu kanë ndikuar çmimet e ulta të importit për shkak të euros së dobët.
Gjithashtu, sipas INSTAT, kanë ndikuar në inflacionin e marsit edhe grupi “ Veshje dhe këpucë” “Qira, ujë, lëndë djegëse dhe energji”. Në të njëjtën kohë, çmimet e grupit “Transporti” u rritën, pasuar nga “Pije alkoolike dhe duhan”, “Shëndeti” dhe “Argëtim dhe kulturë”.
Në terma vjetorë, inflacioni në muajin mars 2019 është 1,4 %. Rritja më e madhe e çmimeve është vënë re në grupin “Hotele, kafene dhe restorante”, pasuar nga grupet “Ushqime dhe pije joalkoolike”, “Pije alkoolike dhe duhan”, etj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.