Më shumë se 270 komisionerë thuhet se kanë vdekur nga lodhja në Indonezi, pasi votuesit iu drejtuan kutive të votimit disa ditë më parë.
Gjashtë milionë qytetarë u punësuan për zgjedhjet e 17 prillit, të cilat u cilësuan si zgjedhjet më të komplikuara të ndërmarra ndonjëherë.
Për herë të parë, Indonezia zhvilloi zgjedhjet e saj presidenciale dhe legjislative në të njëjtën ditë. Plot 192 milionë banorë në të gjithë 17 000 ishujt e arkipelagut iu drejtuan qendrave të votimit.
Që nga mbrëmja e së shtunës, 272 komisionerë humbëm jetën dhe 1,878 të tjerë janë shtruar në spital.
Shefi i komisionit të përgjithshëm të zgjedhjeve, Arief Budiman pranoi se stafi ishte i mbingarkuar gjatë administrimit të zgjedhjeve, por nuk ka konfirmuar ende numrin e komisionerëve qe humbën jetën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.