Më shumë se 220 persona kanë mbetur të vdekur dhe 843 të plagosur pasi një cunami goditi qytetet bregdetare të Indonezisë. Valët e cunamit goditën natën pa asnjë paralajmërim, duke shkatërruar qindra ndërtesa dhe duke zhytyr në kaos ishullin Java.
Autoritetet thonë se cunami mund të jetë shkaktuar nga një rritje jonormale e baticës, për shkak të hënës së re dhe rrëshqitjeje nënujore, pas shpërthimit të vullkanit “Anak Krakatoa”, i cili krijon kështu edhe një ishull të vogël në ngushticën “Sunda” mes Javës dhe Sumatrës.
Agjencia për menaxhimin e fatkeqësive ka paralajmëruar njerëzit që të qëndrojnë larg bregdetit për shkak të frikës nga një tjetër cunami
Cunami goditi destinacione turistike të njohura të ishullit Java, duke përfshirë ehde një vendpushim bregdetar ku ishte duke përformuar një grup i njohur popi.
Një video e shpëndarë në mediat sociale tregon një valë të madhe tek shkatëron skenën ku ishin duke performuar grupi i famshëm indonezian, Seventeen. Anëtarët e grupit u morën përpara nga dallgët së bashku me qindra të rinjtë që po ndiqnin koncertin e tyre.
Këngëtari Riefian Fajarsyah, tha se bateristi dhe menaxheri i bandës kishin vdekur dhe se tre anëtarët e tjerë të grupit dhe gruaja e tij ishin zhdukur.
Një anëtar i bandës tha në Instagram se ai mbijetoi duke hipur në një pjesë të skenës, e cila kishte arritur të qëndronte mbi ujë. Një dëshmitar okular tha se dallga mori përpara automjetet dhe kontejnerët.
"Ndërtesat në buzë të plazhit Carita u shkatërruan, pemët dhe shtyllat e energjisë elektrike ranë përtokë," tha ai për agjensinë e lajmeve AFP. Ndërkohë, pamjet e pasgoditjes nga cunami në zonat bregdetare tregojnë gjurmët e pemëve të çrrënjosura dhe mbetje të tjera të shpërndara përbri plazheve.
Indonezia është një prej zonave më të prekura nga fatkeqësitë natyrore, pasi shtrihet në të ashtuquajturën “unazë e zjarrtë” e Paqësorit, ku pllakat tektonike përplasen me njëra-tjetrën, duke e bërë këtë zonë të prekshme nga vullkanet dhe tërmetet më të fuqishme të botës.
Herën e fundit ishte qyteti Palu në Sulauesi që u godit nga një tërmet dhe cunami në shtator, duke lënë të vrarë mijëra persona. Ndërsa më 26 dhjetor të 2004-s, një cunami i shkaktuar nga tërmeti nënujor me magnitudë 9.3, buzë brigjeve të Sumatrës në Indonezinë perëndimore, vrau 220 mijë njerëz përreth oqeanit Indian, përfshi 168 mijë në Indonezi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.