Një ngjarje tragjike ka ndodhur mëngjesin e sotëm në Shkodër, ku një 13-vjeçare e komunitetit rom ka gjetur vdekjen, pasi baraka ku ajo jetonte së bashku me familjen e saj është përfshirë nga flakët .
Baraket e këtij komuniteti janë të ndërtuara në lagjen “Liria” në qytetin e Shkodrës, ndërsa zjarri ka rënë herët në mëngjes, ku 13-vjeçarja nuk ka mundur të dalë duke u djegur brenda.
Deri më tani nuk raportohet për të tjerë të lënduar.
Ndërkohë në vendin e ngjarjes kanë shkuar forca të shumta policie dhe zjarrfikës, të cilët kanë shuar zjarrin dhe po hetojnë për zbardhjen e plotë të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
