Zelanda e Re do të zbatojë një ndalim pothuajse total të duhanit nga viti i ardhshëm.
Legjislacioni i miratuar nga parlamenti të martën do të thotë se kushdo i lindur pas vitit 2008 nuk do të mund të blejë kurrë cigare apo produkte duhani, çka do të thotë se numri i njerëzve që mund të blejnë duhan do të tkurret çdo vit. Deri në vitin 2050, për shembull, 40-vjeçarët do të jenë shumë të rinj për të blerë cigare.
Ministrja e Shëndetësisë Ayesha Verrall, e cila prezantoi projektligjin, tha se ishte një hap “drejt një të ardhmeje pa duhan”.
“Mijëra njerëz do të jetojnë më gjatë, jetë më të shëndetshme dhe sistemi shëndetësor do të jetë 3.2 miliardë dollarë më mirë nga mungesa e nevojës për të trajtuar sëmundjet e shkaktuara nga pirja e duhanit”, tha Verrall.
Shkalla e duhanpirjes në Zelandën e Re është tashmë në nivelet më të ulëta historike, me vetëm 8% të të rriturve që pinë duhan çdo ditë sipas statistikave të qeverisë të publikuara në nëntor, nga 9.4% që ishte vitin e kaluar.
Shpresohet që Projektligji për mjediset pa duhan do ta zvogëlojë atë numër në më pak se 5% deri në vitin 2025, me qëllimin përfundimtar për të eliminuar plotësisht pirjen e duhanit.
Projektligji është krijuar gjithashtu për të kufizuar numrin e shitjeve nga shitësit me pakicë dhe të reduktojë nivelet e nikotinës në produkte për t’i bërë ato më pak të varura.
Legjislacioni i ri nuk ndalon produktet vape, të cilat janë bërë shumë më të njohura në mesin e brezave të rinj sesa cigaret.
Kritikët e projektligjit, duke përfshirë partinë ACT e cila mban 10 vende në parlament kanë paralajmëruar se politika mund të nxisë një treg të zi të produkteve të duhanit dhe të shkatërrojë dyqanet e vogla.
“Askush nuk dëshiron të shohë njerëzit të pinë duhan, por realiteti është se disa do vazhdojnë të konsumojnë dhe ndalimi do të shkaktojë probleme”, tha përfaqësuesi Brooke van Velden.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
