Një javë pas vendimit të Parlamentit holandez për rikthimin e regjimit të vizave me Shqipërinë, presidenti Ilir Meta ka gjetur rastin më të mirë për të zbutur disi tensionin mes dy vendeve.
Kreu i shtetit, ishte i pranishëm sot në pritjen e organizuar nga Ambasada holandeze në Tiranë me rastin e Ditës së Mbretit.
Në një postim në Facebook, presidenti tregon edhe futbollistin e preferuar të tij në fëmijëri.
“Kënaqësi të merrja pjesë sot në pritjen e organizuar me rastin e Ditës së Mbretit nga ambasada e Holandës, një vend mjaft i rëndësishëm për Europën dhe të ardhmen tonë europiane. Me interes pashë ekspozitën e fëmijëve shqiptarë me piktura, me rastin e 350-vjetorit të ndarjes nga jeta të Rembrandtit. I lumtur të merrja dhuratë një libër për Johan Cruijff-in, idhullin e fëmijërisë time, aq më tepër tani që Ajax-i po rikthehet si atëherë”, shkruan kreu i Shtetit.
Disa ditë mëë parë, Parlamenti i Holandës votoi pro propozimit për heqjen e vizave me Shqipërinë, duke parashtruar si arsye kriminalitetin e shtuar të shtetasve shqiptarë që jetojnë në këtë vend.
Ishin 5 parti politike VVD, CDA, PVV, SP dhe CU që kërkuan votim në Parlament për rikthimin e vizave për Shqipërinë. Ndërkohë, forcat politike VVD, CU dhe CDA janë 3 nga 4 partitë e koalicionit qeverisës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
