.png)
Arkeologët në Turqi thonë se kanë zbuluar bukën më të vjetër të njohur në botë, që daton në vitin 6600 para Krishtit. Një strukturë furre e shkatërruar u gjet në një zonë të quajtur "Mekan 66". Rreth furrës, arkeologët gjetën grurë, elb, fara bizele dhe një mbetje të rrumbullakët, "sfungjere", thuhet në një deklaratë për shtyp të mërkurën. Analizat përcaktuan se mbetja organike ishte bukë 8600-vjeçare, e papjekur dhe e fermentuar.
"Mund të themi se ky zbulim në Çatalhöyük është buka më e vjetër në botë," i tha të mërkurën agjencisë shtetërore turke të lajmeve Anadolu, arkeologu Ali Umut Türkcan, kreu i Delegacionit të Gërmimeve dhe një profesor i asociuar në Universitetin Anadolu në Turqi.
“Është një version më i vogël i një buke. Ka gisht të shtypur në qendër, nuk është pjekur, por është fermentuar dhe ka mbijetuar deri në ditët e sotme me niseshtenë brenda. Nuk ka asnjë shembull të ngjashëm të diçkaje të tillë deri më sot”, shtoi ai.
Lënda organike - si druri ashtu edhe buka - u ruajt nga balta e hollë që mbulonte strukturën, sipas Türkcan.
Çatalhöyük, i cili është një vend i Trashëgimisë Botërore të UNESCO-s, ishte shtëpia e afërsisht 8,000 njerëzve gjatë periudhës së neolitit, midis 10,000 para Krishtit deri në 2,000 pas, dhe është një nga vendet e para të urbanizimit në botë, sipas BITAM.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
