.png)
Nga Gazeta ‘Si’- Është bërë publike përbërja e jurisë së Çmimeve Kombëtare të Letërsisë për vitin 2024, e cila këtë vit do të ketë në përbërje të ndërthurur me emra të letërsisë, akademisë dhe medias.
Shkrimtari Besnik Mustafaj, fitues në fuqi i këtij çmimi me romanin ‘Fati i marrë’, këtë herë është në rolin e anëtarit të jurisë përkrah profesores dhe studiueses së letërsisë Dhurata Shehri, si dhe Elsa Skënderit, pedagoge në Universitetin e Tiranës.
Në përbërje është gjithashtu poetja dhe përkthyesja nga gjuha greke, Maklena Nika, ndërsa pjesë e jurisë për herë të parë bëhet gazetarja e kulturës, Fatmira Nikolli.
Çmimet kombëtare të letërsisë shpallen në Dhjetor, në një ceremoni organizuar nga Qendra Kombëtare e librit dhe leximit, ku juria vendos për më të mirët e një viti në gjini të ndryshme letrare si poezi, prozë, vepra studimore dhe letërsi për fëmijë.
Shpallja e jurisë së ketij viti vjen pas polemikave që shoqëruan vitin e kaluar procesin, kur përbërja u mbajt e fshehtë deri pak javë para shpalljes së fituesve. Këtë herë, emrat publikohen zyrtrasisht!
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
