Rreth 2500 vullnetarë të zhveshur kanë pozuar në plazhin Bondi të Sidneit për një vepër arti të krijuar për të rritur ndërgjegjësimin për kancerin e lëkurës.
Ky është projekti më i fundit i fotografit amerikan Spencer Tunick, që synon të inkurajojë australianët që të bëjnë kontrolle të rregullta të lëkurës.
Kjo ishte hera ve parë që u lejuan njerëzit të shkojnë nudo në plazh.
“Australia është vendi më i prekur në botë nga kanceri i lëkurës”, thotë Fondi Botëror i Kërkimit të Kancerit.
Nga ora 3:30 me orën lokale, vullnetarët u mblodhën në plazh për të marrë pjesë në ‘veprën e artit’, bërë në bashkëpunim me organizatën “Skin Check Champions” gjatë javës së ndërgjegjësimit për kancerin e lëkurës.
Bruce Fisher, 77 vjeç, i cili mori pjesë në ngjarje, i tha AFP se ka kaluar gjysmën e jetës së tij në diell dhe kjo ishte një kauzë e mirë duke qenë se i pëlqen të heqë rrobat në plazh.
Tunick është i njohur për krijimin e imazheve të ndryshmme me njerëz nudo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
