Vullkani në ishullin Stromboli pranë Sicilisë shpërtheu duke ofruar një pamje sa të frikshme, aq edhe spektakolare. Llava u filmua teksa derdhej në det nga rreth 750 metra lartësi. Autoritetet italiane thanë se llava arriti në bregdet për 26 sekonda nga momenti i shpërthimit, me një shpejtësi rreth 50 metra në sekondë.
Kryetari i Bashkisë, Riccardo Gullo, u tha rreth 500 banorëve që jetojnë në ishull, që të qëndrojnë në shtëpi, larg dyerve dhe dritareve për shkak se spostimet e ajrit të shkaktuara nga shpërthimi mund të thyejnë xhamat.
Shpërthimi është i disati që ndodh që prej fundit të shtatorit, por deri tani nuk janë raportuar viktima apo të lënduar. Vullkani në fjalë është ndër më aktivët në botë dhe sipas Institutit Italian të Vullkaneve, shpërthimet e tij janë dokumentuar që nga lashtësia, nga burimet greke dhe latine.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
