.png)
Nga Gazeta ‘Si’-Presidenti i Serbisë, Aleksandër Vuçiç është shfaqur në versionin ultras në ndeshjen që ekipi i tij kombëtar fitoi përballë Zvicrës me rezultatin 2-0 për Nations League.
Lideri serb u shfaq në shkallët e stadiumit në shoqërinë e Milorad Dodik teksa nxirrte nga xhepi një shall me flamurin serb dhe rus, për të treguar edhe njëherë se nga është drejtuar politika e tij.
Videoja u publikua nga opozitari Nikolla Sanduloviç i cili përkrah saj shkruan se çfarë duhet të presë më shumë Perëndimi për ta kuptuar qëndrimin e dyfishtë që mban Vuçiç.
“Nuk e di se çfarë duhet të bëjë më shumë diktatori serb Aleksandar Vuçiç që Evropa dhe Amerika të kuptojnë se ai po luan me ta në gënjeshtrat dhe premtimet e pafundme që u jep, duke blerë kështu kohë për përballjen përfundimtare me ta! Ai ishte, mbeti dhe do të jetë përgjithmonë një pasardhës rus dhe bashkëpunëtor besnik i tyre! Në ndeshjen e futbollit ndërmjet Serbisë dhe Zvicrës, në shoqërinë e agjentit të Putinit, Milorad Dodik, Aleksandar Vuçiç nxori nga xhepi dhe shpalosi flamujt e kombinuar të Serbisë dhe Rusisë”, shkruan Nikolla Sanduloviç
I don't know what more the Serbian dictator Aleksandar Vučić needs to do so that Europe and America understand that he is playing with them in his endless lies and promises that he gives them, thus buying time for the final showdown with them! He was, remained and will forever be… pic.twitter.com/FhKECIK2mR
— Nikola Sandulovic (@Sandulovic_N) October 13, 2024
Ai e cilëson presidentin serb një bashkëpunëtor të Rusisë dhe kritikon Perëndimin se nuk e kupton thellësinë e ndikimit rus në Serbi.
“Një mesazh i qartë për popullsinë e Serbisë se si të interpretohen lëvizjet e tij të fundit politike: “Ne ishim dhe do të jemi aleatët e Rusisë, sidomos tani që po përpiqemi të jemi kali i “Trojës” i Rusisë në Perëndim”! Perëndimi ende nuk e kupton thellësinë e ndikimit rus në Serbi dhe se vendimet formale nuk do të thonë asgjë për politikën që është thellësisht e sinkronizuar me Kremlinin”, shton ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
