Presidenti i Serbisë, Aleksandër Vuçiç deklaroi gjatë një interviste në mediat vendase se situata në veri të Kosovës është tensionuar dhe nevojitet një zgjidhje e menjëhershme për banorët e këtyre zonave.
I ftuar në televizionin Happy, pas takimit me serbët e veriut, lideri serb u shpreh se vendi i tij është i gatshëm për kompromis për tejkalimin e kësaj situate, por është e nevojshme që 4 kryetarët e komunave të japin dorëheqjen.
“Ne jemi të gatshëm për kompromis, thjesht po ju kërkoj që të largoni kryetarët e rrejshëm nga ndërtesat e komunës, le të japin dorëheqje. Jemi të gatshëm për kompromise, por edhe të fillojë formimi i Asociacionit”, tha Vuçiç.
Ai ftoi sërish partitë opozitare për bisedime dhe deklaroi se nuk do të bisedojë nën presion dhe shantazh.
“Unë kërkoj nga deputetët e partisë në të cilën jam dhe të tjerët nga qeveria që të mos e bëjnë këtë. Duhet të përgjigjemi me përgjegjësi, jo marrëzi. Unë nuk kam asnjë kërkesë për këta të tjerët përveç faktit që dua të flas dhe dyert e Presidencës janë të hapura për ta, por nuk flas nën presion, shantazh dhe kërcënim”, theksoi ai.
“Dhe sa i përket dorëzimit të pushtetit në duart e tyre, u pëlqeu që ata ishin ata. Ata nisin nga vetja dhe nuk dinë çfarë të bëjnë dhe bëjnë kërkesa gjithnjë e më të pakuptimta dhe e shmangin fjalën radikalizim, por përdorin acarim, a thua se do të rrahin dikë”, tha Vuçiç në TV Happy.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
