Gazeta Si – Gjykata e Apelit në Tiranë ka lënë në fuqi dënimin me 18 vite burg për ish-punonjësin e SHIK-ut, Hektor Voci, i cili më 10 shkurt 1997 ka vrarë me armën e shërbimit një punonjës policie.
Voci ka qenë duke udhëtuar për arsye pune, në segmentin Tiranë-Fushë-Krujë, me kamion tip “Benz” si pasagjer dhe makina po drejtohej nga shtetasi me iniciale B.Xh., punonjës i SHIK-ut.
Ky i fundit ka parakaluar në mënyrë të gabuar duke vënë në rrezik automjetin që drejtohej nga shtetasi A. C., punonjës policie pranë Komisariatit Nr. 4, në Tiranë. Punonjësi i policisë i ka ndjekur me makinë dhe i ka ndaluar ata pranë fshatit Tapizë.
Ai ka dalë nga automjeti i tij dhe është afruar duke mbajtur në dorë armën e shërbimit tek kamioni, ku ndodhej i pandehuri.
Pas një konflikti verbal, Hektor Voci, ish-punonjës i SHIK, e ka qëlluar me automatikun e shërbimit, duke e vrarë në vend policin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
