.png)
Duket se po shkon drejt zbardhjes së plotë saga e vrasjeve të fundit në Elbasan. Policia ka një emër tashmë për autorin e dyshuar të vrasjes së 39-vjeçarit Klevis Kapllanaj, i ekzekutuar në makinën e tij poshtë pallatit në Rrogozhinë, ngjarje e ndodhur më 15 shtator. Burimet thanë se autori i dyshuar është Nuredin Dumani i shpallur në kërkim nga policia për vrasje, mik i ngushtë me Klevis Kapllanajn. Policia ka zbërthyer gjithë kronologjinë e vrasjeve, ku mendohet se pas një ekzekutimi që Dumani dhe Kapllanaj dyshohet se kanë kryer së bashku, marrëdhëniet e tyre janë përkeqësuar për shkak të një sasie parash.
Sipas policisë, Dumani dyshohet të ketë vrarë shokun e tij për të humbur gjurmët në lidhje me ekzekutimin me thikë të Emiljano Ramazanit, ngjarje e ndodhur më 21 korrik.
Po kështu policia ka sekuestruar pamjet filmike, ku Kapllanaj dyshohet të jetë ekzekutori i Emiljano Ramazanit. Sipas hetimeve, Kapllanaj dyshohet të jetë edhe personi që vendosi armën në servisin në pronësi të Albert dhe Seit Manahasës në Qytetin e Peqinit. Këta të fundi vijojnë të qëndrojnë nën masën arrest me burg për armën e sekuestruar në pronën e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
