.png)
Gazeta Si - Udhëheqësit botërorë u shprehën të tronditur nga sulmi që vrau ish-kryeministrin e Japonisë, Shinzo Abe, gjatë një fjalimi në qytetin Nara.
Abe po merrte pjesë në një tubim zgjedhor, kur u qëllua me armë zjarri. Sulmuesi i dyshuar u arrestua në vendin e ngjarjes.
Sekretari amerikan i Shtetit, Antony Blinken, në Bali për G20-ën, komentoi ngjarjen e rëndë: "Jam thellësisht i pikëlluar dhe i shqetësuar për sulmin ndaj Abes. Është një ditë shumë e trishtuar për Japoninë”.
Australia, Zelanda e Re, Indonezia, Koreja e Jugut dhe Rusia kanë shprehur gjithashtu afërsi me Japoninë.
Ursula Von Der Leyen, presidentja e Komisionit Evropian, shkroi në Tëitter, duke iu drejtuar drejtpërdrejt Abes para se të ndërronte jetë në spital: “I dashur Shinzo Abe, ji i fortë. Mendimet dhe lutjet tona janë me ju dhe me popullin japonez”.
Emmanuel Macron tha gjithashtu se ishte "thellësisht i tronditur nga ky sulm i urryer".
Ambasadori i SHBA-ve në Japoni, Rahm Emanuel dënoi sulmin. “Të gjithë jemi të tronditur. Abe-san ishte një udhëheqës i shquar i Japonisë dhe një aleat i vendosur i Shteteve të Bashkuara. Qeveria dhe populli amerikan luten për mirëqenien e Abe-sanit, familjes së tij dhe vendit”, tha ai në një deklaratë.
“Kina është e tronditur nga sulmi që goditi Shinzo Abe. Ne po ndjekim evoluimin e situatës dhe shpresojmë që ish-kryeministri së shpejti të jetë jashtë rrezikut”, tha ministri i Jashtëm kinez Zhao Lijian në një deklaratë për shtyp.
Edhe kryeministri Edi Rama kanë dënuar sulmin ndaj ish-kryeministrit japonez.
"I tronditur dhe i pikëlluar nga vdekja e ish-kryeministrit Shinzo Abe. Ngushëllimet tona më të thella familjes së tij dhe popullit të Japonisë. Vrasja e tij nxjerr në pah se sa shumë tronditen themelet e demokracisë kur politikanët shihen si armiq për t'u shkatërruar dhe jo si kundërshtarë për t'u angazhuar!" ka thënë Rama në Tëitter.
Sekretari i përgjithshëm i NATO-s, Jens Stoltenberg, tha se është “thellësisht i tronditur nga të shtënat e tmerrshme” kundër Shinzo Abes.
Presidenti i Këshillit Evropian, Charles Michel, e cilësoi sulmin si “frikacak”.
"Abe ka qenë një mik i vërtetë, mbrojtës i fuqishëm i rendit shumëpalësh dhe i vlerave demokratike”, tha Michel.
“Lajm tronditës nga Japonia," tha kryeministri i Australisë, Anthony Albanese.
“Ngjarjet si kjo na tronditin të gjithëve deri në palcë”, tha kryeministrja e Zelandës së Re, Jacinda Ardern.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
