.png)
Volkswagen bëri deklarata të rreme këtë javë duke thënë se do të ndryshonte emrin e markës së saj në “Voltswagen” si një mënyrë për të theksuar përkushtimin e saj ndaj automjeteve elektrike.
Gjatë gjithë javës ka qarkulluar lajmi, por Mark Gillies, një zëdhënës i kompanisë, ka thënë se e gjitha ka qenë një gënjeshtër për 1 prill.
Publikimi i qëllimshëm i lajmeve të Volkswagen, shumë i pazakontë për një kompani të madhe, përkon me përpjekjet e tij për të rregulluar imazhin e saj, ndërsa përpiqet të rimarrë veten nga një skandal i vitit 2015 në të cilin mashtroi në testet e emetimeve të qeverisë dhe lejoi që automjetet me naftë të ndotnin në mënyrë të paligjshme ajrin .
Në atë skandal, Volkswagen pranoi se rreth 11 milion automjete me naftë në të gjithë botën dhe nuk plotësonin parametrat. Skandali i kushtoi Volkswagen 35 miliardë dollarë (30 miliardë euro) në gjoba dhe çoi në tërheqjen e miliona automjeteve.
Publikimi i lajmit të rremë të kompanisë, që doli të hënën dhe qarkulloi me e-mail në të gjithë botën u komentua si një mënyrë për të tërhequr vëmendjen edhe pse kompania deklaroi se ishte vetëm një shaka për 1 prill.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
