Policia e Hasit ka vënë në pranga një 25-vjeçar, për vjedhjen me thyerje të tre lokaleve në qytetin e Krumës. Bëhet fjalë për shtetasin me inicialet K. Ll, banues në fshatin Kishaj. Policia bën me dije se 25-vjeçari ka thyer xhamat e tre lokaleve dhe ka marrë një sasi lekësh e pijesh. Mësohet se ngjarja ka ndodhur gjatë orëve të para të ditës së djeshme (29 maj).
Nga tërësia e veprimeve hetimore, 25-vjeçari dyshohet se është edhe autor i vjedhjes së një lokali, po në qytetin e Krumës, ngjarje e ndodhur më datë 21 maj.
Në cilësinë e provës materiale u sekuestruan sendet e vjedhura. Materialet për veprime të mëtejshme i kaluan Prokurorisë Pranë Gjykatës së Rrethit Gjyqësor Kukës, për veprën penale “Vjedhja”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
