.png)
Gazeta Si – Një 31 vjeçar, i identifikuar si Juxhin Koka, i shpallur në kërkim me urdhër të SPAK pasi akuzohet se vodhi 200 mijë litra naftë, është ekstraduar së fundmi nga Spanja në Shqipëri.
Koka dyshohet se në muajin shkurt të këtij viti, korruptoi punonjësit e policisë dhe në bashkëpunim me disa persona të tjerë, vodhi 200 mijë litra naftë nga një anije e ankoruar në Portin e Durrësit.
Ai u arrestua në Spanjë, ndërsa është kryer edhe ekstradimi drejt vendit tonë, pasi GJKKO i ka caktuar masën e sigurisë “Arrest në burg”, për veprat penale “Korrupsioni aktiv i personave që ushtrojnë funksione publike”, “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës” dhe “Vjedhja”, kryer në bashkëpunim.
“Në muajin shkurt, 2025, GjKKO i ka caktuar masën e sigurisë ‘Arrest në burg’, për veprat penale ‘Korrupsioni aktiv i personave që ushtrojnë funksione publike’, ‘Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës’ dhe ‘Vjedhja’, kryer në bashkëpunim”, thuhet në njoftimin e policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
