Policia e qytetit të Tiranës ka bërë të mundur zbardhjen e grabitjes, ndodhur në 22.05.2019, ku dy të rinj grabitën 200 milionë lekë dhe 50 mijë franga shtetasit F. B në makinën e tij tip 'Range Rover'.
Operacioni i koduar “Kombinacioni” bëri të mundur arrestimin e tyre vetëm pak ditë pas grabitjes së shumë së madhe të parave. Në pranga kanë rënë Donald Hoxha banues në Tiranë, i dënuar më parë për veprën penale “Prodhimi dhe shitja e lëndëve narkotike” si dhe shtetasi Gentian Kane. 44 vjeç, banues në Tiranë; i dënuar më parë për veprën penale “Vjedhje”. Nga veprimet hetimore rezultoi se këta dy shtetas kishin ndjekur lëvizjet e shtetasit me inicialet F. B., dhe në momentin që ky shtetas është futur në qendrën tregtare, ata i kanë vjedhur shumën e parave në bagazhin e automjetit. Sipas asaj që raporton Dosja.al, Donald Hoxha është vëllai i spikeres së Zjarr Tv-së, Greta Hoxha, ndërsa, Gentian Kane është i dashuri i saj. Kjo e fundit është bërë e njohur, pasi prezanton lajmet topless në ekran.
Ngjarja ka ndodhur në datë 2.05.2019 në lagjen “Komuna e Parisit” Tiranë. Në momentin e kapjes, këtyre shtetasve iu janë gjetur dhe sekuestruar në cilësinë e provës materiale një sasi parash prej 17.5 milion lekësh të reja dhe 50 mijë franga. Materialet iu referuan Prokurorisë së Rrethit Gjyqësor Tiranë, për veprime të mëtejshme, për veprën penale ‘Vjedhje e kryer në bashkëpunim’.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.