Trupi i pajetë i peshkatarit që u zhduk dje në Vlorë, është gjetur mëngjesin e sotëm nga palombarët e Forcës Detare.
Ministria e Mbrojtjes njofton se trupi është gjetur 20 metra larg bregut.
“Roja Bregdetare e Forcës Detare, e mbështetur edhe nga Policia Kufitare për disa orë u angazhuan në operacionin e kërkimit nga deti dhe toka në Gjirin e Dukatit për peshkatarin e zhdukur dje.
Shtetasi M. A., 60 vjeç, i veshur me kostumin e zhytjes u gjet në thellësinë 5 metra nga palombarët e Forcës Detare”, njofton Ministria e Mbrojtjes.
Peshkatari 60-vjeçar u zhduk mbrëmjen e kaluar pranë vendit të quajtur “Raguna 1” në Karaburun ku kishte hyrë në det për të gjuajtur peshk me pushkë sportive.
Pas njoftimit të familjarëve nisën kërkimet nga Roja Bregdetare e Forcës Detare, e mbështetur edhe nga Policia Kufitare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
