Shtetet e Bashkuara të Amerikës dhe Kina duket se janë futur sot në një rrugë të pakthyeshme tensionesh. Në një vendim të jashtëzakonshëm, ka urdhëruar Kinën të mbyllë konsullatën e saj në Houston të Teksasit, deri të premten, një veprim i përshkruar si “provokim politik” nga Pekini.
Departamenti Amerikan i Shtetit tha se që vendimi ishte marrë “me qëllim të mbrojtjes së pronës intelektuale amerikane”. Por zëdhënësi i ministrisë së jashtme të Kinës, Wang Wenbin tha se ky vendim ishte “i egër dhe i pajustifikuar”.
Deklaratat erdhën pasi një sërë diplomatësh u filmuan duke djegur dokumente në oborrin e ndërtesës.
Tensionet janë rritur mes SHBA-së dhe Kinës prej kohësh tanimë por kjo është përplasja më e ashpër mes dy vendeve në dekada dhe hera e parë që Uashingtoni dëbon një konskullatë të tërë Administrata e Presidentit Donald Trump është përplasur në mënyrë të përsëritur me Pekinin mbi tregtinë dhe pandeminë e koronavirusit, si dhe vendimin e Kinës për të imponuar një ligj të ri të diskutueshëm të sigurisë në Hong Kong.
Megjithatë, mbyllja e konsulatës erdhi pasi departamenti i drejtësisë amerikane akuzoi Kinën për për sulme kibernetike ndaj laboratorët që po punojnë për zbulimin e vaksinave kundër Covid-19, duke akuzuar dy shtetas kinezë se spiunuan kompanitë farmaceutike amerikane.
Departamenti Amerikan i Shtetit lëshoi një deklaratë menjëherë pasi Wang, duke thënë se .kishte kërkuar mbylljen e Konsullatës së Përgjithshme të Kinës në Houston, në mënyrë që të mbrojmë pronësinë intelektuale amerikane dhe informacionin privat të Amerikës.
DASH shtoi se SHBA nuk do të tolerojë shkeljet e sovranitetin dhe frikësimin e popullit, ashtu si nuk kishte toleruar praktikat e padrejta të tregtisë së Kinë dhe sjelljet e egra tregtare. Dash citoi gjithashtu Konventën e Vjenës, sipas së cilës shtetet “kanë për detyrë të ndërhyjnë në punët e brendshme” të një vendi pritës.
Konsullata është një nga pesë përfaqësitë diplomatike të Kinës në SHBA, pa llogaritur ambasadën në Uashington DC. Është e paqartë pse kjo u veçua.
Kina e quajti vendimin “një përshkallëzim të paparë”, duke thënë se shkelte ligjin ndërkombëtar. Wang vazhdoi të tha që Uashingtoni ishte “duke fajësuar në mënyrë të padrejtë Kinën me stigmatizim dhe sulme të pajustifikuar”.
Ai i bëri thirrje SHBA-së të tërhiqet, duke thënë nëse insiston “të ndjekë këtë rrugë të gabuar, Kina do të reagojë me kundërmasa të forta”.
“Në realitet, për sa i përket numrit të ambasadave dhe konsullatave kineze dhe amerikane në vendet e njëra-tjetrës dhe numrit të stafit diplomatik dhe konsullor, SHBA ka shumë më tepër njerëz që punojnë në Kinë,” tha Wang, duke i dërguar kështu një mesazh të qartë Uashingtonit.
Ky është një zhvillim domethënës në garën diplomatike midis Uashingtonit dhe Pekinit. Nuk është e qartë nëse akuzat për spiunazh në zhvillimin e vaksinave amerikane dhe dëbimi i ambasadës janë të lidhura, por është e qartë se administrata Trump është e vendosur të përballet me Pekinin.
Shenjat e para se diçka të pazakontë mund të ndodhë në konsullatën e Houston u shfaqën të martën, kur nga oborri i ndërtesës vunë re disa kazanë që kishin marrë zjarr.
Pamjet tregojnë se njerëzit që po digjnin dokumente në kosh.
Shërbimet e urgjencës u thirrën në ndërtesë të martën në mbrëmje. Sidoqoftë, forcat e policisë së Houston thanë që oficerët në Twitter “nuk iu dha qasje për të hyrë në ndërtesë”, por panë tymin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
