.png)
Amfiteatri i gurtë prej 2000 vjet i vjetër, më i madhi në perandorinë Romake, është atraksioni më i njohur turistik i Italisë, duke tërhequr 7.6 milion vizitorë në 2019.
Por zemra e saj ‘e rrahur’, pasazhet nëntokësore, kafazet dhe dhomat ku të burgosurit, kafshët dhe gladiatorët prisnin të kalonin nëpër rrugicat për të hyrë në arenë u hapën të premten vetëm për publikun që paguan pas rinovimeve të gjata.
Më shumë se 80 arkeologë, arkitektë dhe inxhinierë punuan në “hipogeum” 15,000 metra katrorë për dy vjet për të “rikthyer në qendër të vëmendjes një monument që e do e gjithë bota”, sipas Diego della Valle, kryetari i Tod’s, Grupi i modës italiane që financoi punën.
Ballkonet rrethore, të arritshme prej kohësh për turistët, dikur strehonin deri në 70,000 spektatorë për të parë luftimet e gladiatorëve, ekzekutimet dhe gjueti kafshësh.
Tani një vendkalim i ri 160 metra zbulon një pjesë të monumentit që nuk ka qenë e arritshme për vizitorët.
Është pjesa e dytë e një procesi me tre faza që filloi tetë vjet më parë, me Tod-in që premtoi 25 milion euro (30 milion dollarë) për të paguar për projektin, një nga një sërë restaurimesh të monumentesh italiane të financuara.
“Është e rëndësishme për kompanitë përkatëse që të vihen në dispozicion të vendit, duke kuptuar se çfarë mund të bëjnë për vendin”, tha Della Valle.
“Kjo ka të bëjë me pjesë të rëndësishme për Italinë, monumentet që janë të mirënjohura në të gjithë botën dhe turizmin, i cili nuk është vetëm argëtim por një biznes i rëndësishëm në Itali, i cili, nëse kujdeset si duhet, nuk ka asnjë rival në asnjë vend të botës”.
Faza e parë e ndryshimit u zbulua në 2016. Faza e fundit përfshin rinovimin e galerive dhe sistemit të ndriçimit dhe krijimin e një qendre të re vizitorësh. Projekti është vendosur të përfundojë në rreth tre vjet.
Veçmas, qeveria ka vendosur të sigurojë monumentin antik Romak me dysheme të reja të teknologjisë së lartë, e cila pritet të mbarojë deri në vitin 2023.
Della Valle, i cili ndihmon gjithashtu në financimin e operës La Scala të Milanos, u bëri thirrje kolegëve sipërmarrës të “marrin një monument secili, ta restaurojnë, le të jemi të shpejtë!”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje